Back

Philos. Origin

Written By: Monki Kaczynski

Non-Fiction
                                            Origo Philosophiæ .
« Naturaliter , inquit D. Thomas , inest omnibus hominibus desiderium cognoscendi causas eorum quæ videntur ; unde propter admirationem eorum quæ videbantur , quorum causæ latebant , homines primo philosophari cæperunt ; invenientes autem causam quiescebant . » En primam originem , seu potius causam occasionalem philosophiæ . Causam , inquam , occasionalem ; namque , ut ipsemet D. Thomas docet , vera causa efficiens philosophiæ , est ipsa hominis natura ( 1 ) . Enimvero quælibet res naturalem inclinationem habet ad suam propriam operationem . Propria autem operatio hominis inquantum homo , est intelligere ; per hoc enim ab omnibus aliis differt . Unde naturaliter desiderium hominis inclinatur ad intelligendum , et per consequens ad sciendum » ( 2 ) .